可以點搵到/培養自己嘅興趣？你係點搵到自己嘅夢想/將來想做咩？一直讀書都係為分數，對咩都有興趣，報jupas可以點？

咩都試下囉o(｀ω´ )o。我唔會話自己已經搵到將來想做咩因為我仲探索緊同埋我個人好善變lmao

夢想就因為我好鍾意去旅行，所以夢想係去曬全世界每一個國家咁。

你對咩都有興趣都幾難得，通常啲人都係struggle對咩都無興趣hahahha，咁你報jupas可以先用排除法揀走啲自己一定唔會讀嘅科，跟住再收細範圍睇下鍾意邊間U對邊啲科特別有興趣，問下讀緊嗰啲科嘅師兄師姐讀咩，自己上網睇下嗰科啲ppt，咁就會有啲方向。

​

​SLP OEA個啲其實有無用？ 老師係咁叫我地參加活動豐富張嘢但唔知有咩可以參加。

​要入U就梗係個分最重要，活動嘅話可以join啲同你大學想讀嘅科有關嘅嘢，例如medic可以join med start/去醫院做義工。可以多留意大學啲中學生program例如cu/hku summer instituite/咩taster day嗰啲！

 

平日返學通常幾點訓好？見到啲人係夜晚溫書，只係訓得幾個鐘，其他時間拎曬嚟溫書，studyleave先較返個生理時鐘，但我自己一到2330就開始眼訓，想溫多啲都唔得，你有咩建議？

無話幾點瞓係「好」定「唔好」，睇人。我都係好早就眼瞓，f5/6都係2300瞓ard 0530起身；因為我早上做嘢有效率啲，所以就算未做完嘢都寧願早啲瞓早啲起身再做，效果唔錯。

​

點專心溫書？

我之前會熄電話/wifi，可以試下定個固定時間睇電話 eg 起身後30mins臨瞓30min。講到尾都係靠你自律，如果唔係你熄咗電話都可以玩ipad玩電腦搞其他野，咪一樣溫唔到:o) 定力很重要

​

NOTES

點寫靚嘅notes?

wait停一停，我覺得為咗寫靚notes而寫有啲本末倒置。每個人溫習嘅方法都唔一樣，我寫完notes個人會開心啲溫書入腦啲，但係唔係個個人都係咁，所以溫習方法要自己摸索一下。我中六後期都無再認真寫靚notes因為要好哂時間整理。我個人鍾意色彩繽紛+書法subtitles，用色比較隨意，內容都係整理上堂所學之後加啲公仔呀標語呀highlight呀等自己記得好啲。

​

​寫notes是咪必須？

No啦，抄notes不過係其中一個常見溫書方法，最緊要你知寫嚟做乜。eg如果你抄完唔會拎返嚟睇，剩係for背咪拎啲廢紙寫算，唔洗寫得咁靚，咁就又入到腦又唔曬時間。

​

英文

點改善英文作文？

內容唔洗諗到天花龍鳳，可以relate下自己日常生活見到聽到接觸到嘅野，從中搵素材。

​睇多啲examples，學下人地寫作嘅切入點、角度同埋點elaborate，例子點配合+運用。

文筆好老實講就好靠英文個底，唔係好掂都可以靠背下字蒙混過關嘅，

target翻自己成日作嘅topics，揀啲自己用過/成日用到嘅靚字記住佢～

btw基本grammar都唔可以忽略呀！

​

就黎考dse，英文拎開3，有無方法短期令英文進步？

​短期進步真係有難度喎，唯有靠啲skills搭救。由於時間緊逼，writing可以試下背句子，listening要注意格式唔好錯呀！

​

數學

你點溫數學？

作為一個數學得4，考dse paper2嗰時做到第六題就唔識做嘅數渣，

我操數會target初中題目，因為到高中發現好多基本好容易野自己根本唔記得曬甚至未聽過LOL

所以我會操好mc先，因為快啲+可以做多啲題型，清concept。

​之後先滿滿再做高中topics嘅練習，印象中study leave的時候已經完全放棄part b。

​

VA

​

有無做art portfolio?想知你點整。

無呀，嗰時無諗住大學要讀art/design。

 

畫筆喺邊度買？

無買過，中學老師送左成set俾我地。可以去中南廣場睇下，嗰度啲art supplies好齊全。

 

​中文

點樣進步文言文？

有個表全部都係文言虛詞，考試成日出，我背咗。做曬CE啲文言文，就會摸索到句子嘅結構，從而理解到篇野講乜。​