你住過咩hall？

starr （＾Ｏ＾☆♪

 

想入starr，競爭係咪好大？有啲咩性格/長處會易啲入？

其實競爭越黎越細就真。鑑於大家上連登就得知咁多hall嘅嘢，近年的確係少左人想住hall，

就算想住嘅都會想住龍華。

識運動/對hall有passion/願意參與+投放時間落hall嘅活動嘅人會著數啲，性格就唔係好關事。

 

可以揀層？

全部鎖匙都係抽㗎，無得自己/俾人揀，層樓一抽就唔會再轉，下一年最多係換房但係唔會換樓。

唔同於大部分hall都係跟性格分層，我覺得抽匙非常公平公正，所有野都係緣分決定。

​

之前住幾樓？

8！超愛我層樓。

​

點解揀starr，佢有咩優勝之處？

yr1 sem1覺得: 靚景，設施新，唔仙，識到好多唔同嘅人，自由度大。

yr2 sem2覺得: unit制，總共有11個units，一層男+一層女，可以識到好多人。

非常齊team，基本上咩都有得試有得玩。廁所同沖涼房係分開嘅，仲有最緊要就梗係近campus。

 

starr適合咩人？

• 鍾意試新嘢

• 鍾意socialize

• 願意為群體付出+投放時間

• 夜 訓 

• 想識多啲唔同嘅人 

• 想喺大學搵到歸屬感

afterall適唔適合真係要試過先知～以上呢啲都係好general嘅概念。​

​

好仙？

我覺得starr算好mild (唔計hall o)，純粹係啲大仙會教下一年嘅人/fm點籌備啲活動，俾下意見咁，

蠻不講理/聲大夾惡/對人唔對事/恃住自己係大仙係到做埋啲陰濕小動作/搞小圈子嘅只係極少數。

我接觸過99%嘅大仙都非常友善，而且好welcome我去問嘢/請教佢地hall甚至係大學嘅嘢，

我喺佢地身上學到好多，超級感激。‧:*+.\(( °ω° ))/.:+**+ (最後都係嗰句，睇你咩unit啦:o))

 

有無單人房？

一層有一間俾嗰層嘅人，yr3以上先可以申請，抽籤決定，要同non-local爭。

​

interview英文定中文？問咩？

starr就中文，應該其他hall都係，得sjc係英文。

問題圍繞你自己，同埋對hall嘅一啲睇法。主要係評估下你對hall嘅passion～

 

hall o真係好chur？

chur呀，對體能嘅demand算大。

​

​住咗幾耐quit？

​年半，去exchange前quit。

​

點解quit hall？

• hall嘅時鐘包括佢大部分嘅活動時間同我嘅生理時鐘太唔配合，一般都係2359之後先開始，例如開會、team meet等等，而我好需要規律嘅睡眠同埋早訓我個人先function到。

• 我鍾意翻屋企鍾意食屋企飯訓屋企張床，喺屋企訓得好啲。

• 我覺得自己喺freshman year要體驗嘅嘢都試過曬了。

• 我quit hall最唔捨得係啲人，但係最friend嗰啲無論我有無住hall都會自己約keep住frd，最多係無得過兩間房搭𨋢上幾層就見到咁方便啫。

• 我唔想同唔熟既人socialise，奈何hall大部分活動都係一大班人一齊參加。

​

住hall一個月洗費幾多？

hall fee ~$1800 / month 

laundry ~$30 (一個禮拜一次，唔乾衣）

冷氣 ～$30 

食～$2000 (一至五，當$100一日）

＝ ～$4000 （最基本，僅供參考，hall fee又加咗）

​

(Starr有咩活動/特色？

cultural champ，2019拎咗cultural overall champion～咩team都有！

sports team夠齊，我覺得都好champ hahaha， 尤其new ball，男lax/hockey特別勁，女newball實力都幾平均。

high table雖然無得著green gown，但我地每年嘅last high會著costume，每個unit自己夾個theme（例如和服、沖涼、馬戲團），成個costume party咁，好正～Unit制係starr獨有嘅，一層男一層女上下夾埋做一個unit，我個unit都算幾friend，一有活動就好熱鬧，平日都經常一齊食lunch又會一齊去睇interhall support unitmate～ 

 

點解你當初想入Starr？

好似係ig見到個廣告(?)之後就覺得嘩呢個就係我想住嘅hall （雙眼發光mode，最鐘意個海景）

夠近，方便翻學；夠新，shower room同廁所分開；鍾意啲人個vibe，好玩得黎個個都好talented各有唔同嘅諗法。

之後無意中發現dselaynomore嘅s 都想住starr跟住就一齊報咗，之後仲變埋樓友添-3- （利申，條匙係抽嘅）

 

你入左Starr最大的得著/感悟？（識唔識到朋友？樓/堂友firm唔firm? Sources? On9?)

詳情可以追我個po HAHAH —  “what I learned from hall”，我打咗兩篇勁長嘅文。

最大嘅得著我會話係朋友，esp樓嘅朋友❤️，多謝佢地咁supportive，又成日忍受我啲嘈音HAHAHA。

其次係了解到自己更多。starr因為夠大夠多人，所以我接觸嘅人同事亦非常多，見盡人生百態，大開眼界。

呢啲參與活動、同人相處嘅過程正正俾到好多機會我了解到自己究竟唔適合啲咩、鍾意啲咩、同咩人夾等等。

 

咩人岩入Starr？（唔洗訓的人？一定要champ？goop話要好搏盡？洗唔洗英文lark lark聲？sociable? tappy人點算?）

唔洗訓就間間hall都係㗎啦，我估全部hall開會都係2359打後先開始。

咩一定要champ啫，係咪想串我先宜家（睇下我邊忽champ先啦）！！！

搏唔搏盡就睇人啦，不過你tappy 想readmit就難啲囉。

In general 我會覺得鍾意試新嘢/socialize，願意為群體付出+投放時間，同埋想喺大學搵到歸屬感嘅人都幾適合starr。

​

面試general tips? (洗唔洗著suit? 邊個負責in你？(warden? 莊？扮野會唔會好明顯？誠實最好？因為要性格分層？）

恤suit裙可以了，hall 莊+hall management team負責in。

扮嘢就免了，反正starr又唔係跟性格分層，全部鎖匙都係抽嘅；最緊要show到你有passion同願意參與hall嘅嘢就得啦。

ps留意下starr同其他hall有咩唔同，有咩特別吸引到你去揀。

 

聽講住hall唔可以關門/鎖門？why and how to see?

係咪一定要開房門就無呢個規定，睇你嗰層，不過我有時都會開門，通風啲嘛～

鎖門就。。。如果你鎖咗門，大家就會明白入面發生緊一件事，然後你嘅樓友會希望你注意音量，唔好擾人清夢，阻住大家訓覺:o) 。

​

點解final year想住返hall？
方便！近！返學呀！因為禮拜四夜晚有堂而禮拜五0930堂，打算節省交通時間用功學習；加上之前住過，所以可以直接住返8樓，唔洗抽匙，免卻認識新樓友之尷尬。豈料武肺不給面，可悲也矣。

點睇仙制？
原意是好的，但隨時代變遷有啲嘢變咗為做而做就無意思啦。尤其有時畀人濫用咗，有啲人會咩都用「傳統」嚟為唔合理嘅行為做借口 ，eg 屌你係大仙為你好。個人經驗話我知如果你講嘅嘢係有意義嘅，你唔鬧我都自然會聽入耳然後銘記在心；反之你講啲歪理bullshit出嚟你點鬧我都唔會接受。而且感覺上越來越少人有大仙嘅風範，又或者無料扮四條，久而久之大仙變成一個令人敬而遠之嘅term。

​

​

​

​

​

​

​